Mbrojtësi i Italisë, Leonardo Bonucci ka folur pas finales që Azzurrët fituan me Anglinë. Autori i golit të barazimit u shpall njeriu i ndeshjes, ndërsa sfida u vendos me penallti sepse 120 minuta nuk bënë punë.
Leo ka dhuruar spektakël në konferencën për shtyp, duke provuar çdo pije të mundshme që ishte në tavolinë. Për mbrojtësin e Juventus, Italia u motivua me shprehjen e anglezëve duke që trofeu të shkojë në Romë.
"Ishim të veçantë në besimin që kishim për të arritur këtë trofe. Diçka që e prisnim prej kohësh ka mbërritur. Është e pabesueshme që nuk u lodhëm duke qenë gjithë kohës së bashku. Që nga vitit 2012 e kam ndjekur këtë trofe. Ishim një hap larg, ka qenë ndjekje e vazhdueshme.
Kjo është forca e atyre që duan të arrijnë diçka, për të treguar se jemi në nivele të larta pa u dorëzuar asnjëherë. Le t'u tregojmë të rinjve se ç'do të thotë përulësi, punë dhe përkushtim. Thjesht duhej të besonim se mund ta fitonim dhe mundëm Anglinë për ta bërë këtë.
Dhe tani Kupa vjen në Romë. Italia ka rilindur, do të flitet akoma për këtë grup dhe trajner të mrekullueshëm. Kemi bërë diçka që do mbetet në histori. Të gjithë italianët do na duan, është gjëja më e bukur, kemi lumturuar një popull të tërë.
E kemi dëgjuar prej ditësh shprehjen e famshme "Futbolli po vjen në shtëpi". Na ka motivuar shumë. Më vjen keq, por nesër kupa do jetë në Romë", tha Bonucci.
Lexo gjithashtu
