Zvicra fitoi dje 2-0 me Irlandën e Veriut për kualifikueset e Kupës së Botës. Në përfundimin e sfidës, një tifoz i ka dhënë Shaqirit bluzën me stemën e UÇK-së, teksa sulmuesi ishte në konferencë për shtyp.
Të shumta kanë qenë reagimet në Zvicër, Kosovë dhe Serbi, ndërsa një vlerësim ka bërë edhe Federata zvicerane që tregon se tifozi është pyetur nga policia dhe i është ndaluar hyrja në stadium.
“Kjo është e papranueshme. Nuk duhet të abuzohet kështu me lojtarët tanë. Sidomos për propagandë politike. Xherdan Shaqiri reagoi në mënyrë shembullore. Ai qëndroi i qetë dhe nuk reagoi. Tifozi është pyetur nga policia dhe i është ndaluar hyrja në stadiume”, thuhet në reagim.