Janë luajtur sot katër ndeshje të javës së 14-të në Bundesliga me gjigantët Bayern e Dortmund që zbritën të dyja në fushën e blertë. Fillimish ishin verdhezinjtë që në orën 18:30 do të përballeshin me Wolfsburg në transfertë.
Vendasit rezultuan të fortë për Borusian e cila u ndëshkua dy herë në skajet e ndeshjes. Në minutën e 6’ Micky van de Ven do të kalonte të tijët në avantazh dhe në minutën e 91’ do të jetë Lukas Nmecha që vuloste takimin.
Në orën 20:30, Bayerni priste Werderin në Allianz Arena dhe fitorja për bavarezët nuk ishte për asnjë moment në dyshim. Fati i ndeshjes do të vendosej që në 45 minutat e para ku bavarezët shënuan 4 herë me Musiala, Goretzka dhe dygolëshin e Gnabry që do të zhvlerësonin golin e Jung në minutën e 10’.
Në pjesën e dytë Gnabry do të plotësonte tripletën e tij ndërsa emrin në listë do ta vendoste edhe i riu Mathys Tel.
