Hector Bellerin pritet të largohet nga Barcelona dhe të firmos në Portugali tek skuadra e Sporting Lisbon. Mbrojtësi gjeti shumë pak hapësira në formacionin e Xavit këtë pjesë të parë të sezonit me vetëm 3 paraqitje në La Liga.
Forma e tij e dobët, por gjithashtu dhe momenti i mirë që po kalojnë Araujo dhe Kounde e kanë bërë Bellerin zgjedhje të tretë apo të katërt për teknikun spanjoll. Ish lojtari i Arsenal do të vazhdojë karrierën në Portugali dhe do të ketë një vend të sigurt në formacion, pasi klubi nga Lisbona konfirmoi largimin e Pedro Porro drejt Tottenham.
Ky do të jetë largimi i dytë nga Barcelona këtë merkato pas atij të Memphis Depay tek Atletico Madrid, por merkato e katalanasve nuk do të ndalet me kaq pasi orët e fundit mund të rezervojnë surpriza të tjera për ta pas kontakteve për afrimet e Amrabat nga Fiorentina dhe Pavard nga Bayern.
Lexo gjithashtu
