Në prag të sezonit të ri, ekipi i Vorës po i kushton rëndësi jo vetëm skuadrës kryesore, por edhe atyre të moshave. Bëhet fjalë për U-19, ku është prezantuar një trajner i njohur i futbollit shqiptar, fjala është për Artan Mërgjyshin.
Për Vorën ky “timonier” nuk është i panjohur, pasi ka korrur sukSes të rëndësishëm me këtë klub, duke e ngjitur para disa sezonesh në Kategorinë e Parë, ku i dha një spunto të rëndësishme skuadrës për të avancuar drejt ngjitjes në elitën e futbollit shqiptar.
Klubi e ka njoftuar lëvizjen përmes rrjeteve sociale: “Një emër që shkroi histori me Voren… Artan Mërgjyshi, trajneri që ngjiti ekipin tonë në Kategorinë e Parë dhe na dhuroi momente të paharrueshme, rikthehet për të udhëhequr ekipin U-19!
Një figurë me vizion, përvojë dhe zemer vorake — tashmë në krye të brezit të ri të talentëve që po rriten brenda klubit tonë. Ky nuk është thjesht një emërim… Është një mesazh i qartë: FK Vora beson te të rinjtë. FK Vora beson te Akademia".
View this post on Instagram
Lexo gjithashtu
