Egnatia nuk mundi t'a rishifte veten kampione këtë vit, pasi u mund me rezultatin 1-3 nga Dinamo. Megjithatë përveç humbjes së sotme, klubi rrogozhinas më herët kishte zyrtarizuar dhe njoftimin e largimit të Arbenit Xhemajlit dhe Mario Dajsinanit.
Ndërsa i pyetur për këtë vendim të klubit ka folur edhe drejtori i SuperSport, Ylli Aga. Sipas tij, 2 futbollistët janë një vlerë e ekipit rrogozhinas por megjithatë edhe largimet janë një veprim efikas për të dyja palët si për lojtarin ashtu edhe për klubin.
"Do të jetë një humbje për Egnatian, por unë besoj se për të gjithë duhet të jetë shumë e qartë, ne operojmë në një treg ku presioni është i jashtëzakonshëm dhe ku ofertave është e pamundur tu rezistosh.
E kam thënë edhe njëherë tjetër ne kemi një limit për sa i takon pagesave të lojtarëve po themi tek më të mirët mund të vërtitet tek 10 mijë euro.
Por oferta që mund të vijnë me lojtarët mund të vijnë me 5-fish ose 10-fish më shumë edhe është e pamundur për ti rezistuar qoftë ofertës që të vjen si klub por mbi të gjitha ofertës që merr lojtari.
Kështu që ne duhet t'i gëzohemi faktit që kemi lojtarë të nivelit të tillë, të cilët duan të ngjiten më lartë me shpresën e madhe që duan diçka më shumë, por edhe për të ndihmuar klubet dhe arkën e tyre.
Për të marrë disa financime të cilat janë shumë të rëndësishme në këtë periudhë sepse të ardhurat nga shitja apo fitimi i trofeut dhe pjesëmarrmarja në Europë janë dy burimet kryesore në zhvillimin ekonomik të klubit", është shprehur Ylli Aga.
Lexo gjithashtu
