Largimi i Bledi Shkëmbit nga Tirana vazhon të diskutohet. Timonieri korçar ishte i ftuar në “Rubrikën Sportive” në RTSH ku ka folur për këtë largim.
“Nuk mendoj se është më e nxehtë. Ishte një largim normal në futboll, ku presidenti vendos që të ndërpritet bashkëpunimi. Patjetër duke para vazhdimësinë që nga fillimi se si u ndërtua skuadra, ndjeva një moment keqardhje. Në disa ndeshje do të doja të kisha më shumë fat dhe me disa pikë më shumë në dispozicion situata do të ishte ndryshe", nënvizoi fillimisht 45-vjeçari.
Në panelin e të ftuarve ishte edhe gazetarja e njohur, Qeqa Krelani. Kjo e fundit i rikujton Shkëmbit se kur ishte pjesë e Dinamos pati deklaruar se: “Unë e di që në ekipin tim luajnë burra, por të jesh burrë dhe të mos përdorësh burrërinë është e papranueshme në futboll. Tani të lutem na trego kush nuk pati burrëri në gjithë historinë e largimit tuaj?”.
Ndërkohë Shkëmbi përgjigjet menjëherë. “Kjo kush ka dhe kush nuk ka burrëri nuk shkon. Marrëdhënia ime me klubin dhe presidentin ishte e qartë. Tani t’i dëshiron që të them se presidenti, nuk ishte burrë? Këtë nuk e them dot. Është një histori pa e justifikuar, nuk është faji as tek klubi as te askush”, ka përfundur Shkëmbi.
Lexo gjithashtu
