Dasma e Edison Ndrecës mbrëmjen e djeshme ka mbyllur pushimet tek Egnatia që rikthehet zyrtarisht në stërvitje. Kampionët e Superiores nisin përgatitjet për fillimin e sezonit të ri me lojtarët që u grumbulluan në ‘Arena Egnatia’.
Grupi është i plotë, ndërsa u është bashkuar edhe transferimi i ri Zamig Aliyev. Qendërmbrojtësi 23-vjeçar bëhet blera e parë e merkatos dhe vjen nga Azerbajxhani.
-
ZYRTARE/ Firma e parë për kampionët, Egnatia prezanton afrimin e ri
10 Qershor, 17:55
E gjithë kryesia e klubit duke nisur nga presidenti Demrozi, drejtori Zenelaj e zyrtarë të tjerë zbritën në fushë për të mirëpritur lojtarët e stafin teknik dhe më pas ndoqën stërvitjen nga tribuna. Seanca nisi normalisht me disa ushtrime çlodhëse, vrapime rreth fushës e më pas ushtrimet me top.
Ndërkohë, vijojnë punimet për ndërtimin e tribunës ballore që do të mbajë emrin "Tribuna Dwamena".
Egnatia nis kështu zyrtarisht misionin për mbrojtjen e fronit.
Lexo gjithashtu
