Laçi – Egnatia është një nga duelet mjaft interesante të javës së 32-të të Superiores. Kjo sfidë luhet në orën 15:00 në Kurbin.
Rrogozhinasit vijnë si kryesues në këtë përballje dhe ndaj kurbinasve shihen si favoritë, ndërsa nga krahu tjetër bardhezinjtë në 4 ndeshjet e fundit ia kanë dalë të sigurojnë 2 fitore dhe 2 barazime.
Për “djemtë” e Armando Cungut nuk do të jetë aspak e lehtë, pasi Egnatia është si “macja e zezë”, pasi në 9 përballjet e fundit në kampionat mes tyre janë rrogozhinasit ata që dominojnë. Në plot 6 sfida skuadra e Edlir Tetovës ka dalë fitimtare, ndërsa 3 sfida të tjera janë mbyllur në barazim. Fitorja e fundit e skuadrës së Laçit ndaj Egnatias daton në prill të 2022.
Ditën e sotme bardhezinjtë do të synojnë të “thyejnë” mallkimin dhe të marrin fitoren e parë ndaj Egnatias në këtë sezon, pasi edhe 3 ndeshjet e kaluara kanë përfunduar 2 në favor të rrogozhinasve dhe nën barazim.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
