Jemi vetëm 5 ndeshje larg fundit të kampionatit dhe tashmë kanë nisur të dalin në skenë edhe interesimet për disa lojtarë. Në Rrogozhinë kanë ‘zbarkuar’ përfaqësuesit e Konyasporit, ekip ku luajnë Sokol Cikalleshi dhe Valon Et’hemi.
Turqit i kanë vënë syrin lojtarit të Egnatias dhe bëhet fjalë për Mehil Ibrahimoglu. 23-vjeçari iu bashkua rrogozhinasve në merkaton e janarit. Menjëherë sulmuesi u kthey në një pikë të rëndësishme te Egnatia, duke shënuar 2 gola dhe ka dhënë 2 asiste në 17 ndeshje mes Kupës dhe kampionatit.
Klubi turk pëlqen karakteristikat e Ibrahimoglus dhe në merkaton e verët do të tentojë edhe transferimin e tij. Kujtojmë se 23-vjeçari ka nënshtetësi turke, ndërsa ka lindur në Austri dhe ka filluar karrierën te Rapidi i Vjenës. Detaje mbi ofertën ende nuk bëhen të ditura, teksa mbetet të shihet nëse skuadra rrogozhinase do të heqë dorë nga sulmuesi anësor.
Lexo gjithashtu
