Partizani do të luajë gjithçka për gjithçka në 2 javët e mbetura të Superiores për të siguruar një vend në “Final – Four”. Të kuqtë “kërcënohen” nga Elbasani, me këto të fundit që kanë një pikë më pak se kryeqytetasit.
Duelet me Bylisin dhe Elbasanin do të jenë vendimtare për fatet e Partizanit, me Skënder Gegën që tashmë është me “laps e letër” në dorë për të bërë llogaritë për vendin e 4-të. Por tropojani nuk do ta ketë aspak të lehtë, pasi 2 titullarë janë dëmtuar.
Bëhet fjalë për Domgjonin dhe Zekën, të cilët në sfidën me Egnatian u dëmtuan. Të dy futbollistët pritet që ditën e sotme t’iu nënshtrohen vizitave mjekësore për të mësuar edhe shkallën e dëmtimit.
Kjo i shkakton “dhimbje koke” Skënder Gegës, i cili tashmë për 2 duelet e fundit mund të mos i llogarisë shërbimet e Domgjonin dhe Zekës. Gjithsesi mbetet të shihet se çfarë do të ndodhë dhe nëse do të jenë të gatshëm për ndeshjet e fundit apo jo.
Lexo gjithashtu
