Partizani do të presë Dinamon në “Arenën e Demave”, takim ky i vlefshëm për javën e 32-të të Superiorës dhe do të luhet në orën 18:00. Një duel mjaft i rëndësishëm për demat që kërkojnë rikthimin te fitorja në kampionat, e cila iu mungon prej 4 javësh.
Lajm i mire për Shehin është se ndaj “Bluve” do të ketë të plotë skuadrën, teksa do të ketë të gjithë lojtarët në dispozicion. Por janë 6 futbollistë që e shqetësojnë për sfidën pasardhëse me Tiranën.
5 lojtarë janë titullarë fiks dhe kanë nga 3 kartonë të verdhe dhe nëse ndëshkohen ndaj “Nëndetëses” atëherë do të humbasin derbin me rivalëet e përjetshëm. Bëhet fjalë për Sotën, Atanaskovskin, Hadroj, Rrapaj, Mba dhe Mensah.
Të gjithë futbollistët e përmendur duhet të tregohen të kujdesshëm, pasi në të kundër do t’u kushtojë sfidën me bardheblutë. Diçka e tillë bën me “dhimbje koke” Shehin, pasi 3 prej futbollistëve që rrezikojnë të humbasin Tiranën janë mbrojtës.
Lexo gjithashtu
