Vllaznia do të udhëtojë në kryeqytet ku do të përballet me Partizanin të dielën në orën 20:00, një ndeshje që do të jetë supersfida e javës së 30-të të Superiores.
Shkodranët vijnë nga një ecuri jo e mirë me 1 humbje e 1 barazim në kampionat, si dhe një tjetër disfatë në Kupë. Ndaj Partizanit do të tentohet kthesa, por jo vetëm kaq pasi një ndeshje e tillë mat pulsing për një skuadër që pretendon titullin kampion.
Kuqeblutë janë 3 pikë mbi ‘Demat’ dhe fitorja thuajse u siguron vendin e dytë dhe pozitën e favoritit në Final Four. Megjithatë, mbetet të shihet në fushën e lojës pasi edhe Partizani kërkon të rrisë xhirot për marshin final të kampionatit.
Partizani është gjithashtu skuadra që nuk është mposhtur kurrë nga Vllaznia këtë sezon me 2 barazime dhe 1 fitore për ‘Demat’.
Një superndeshje si kjo nuk meriton asnjë stadium tjetër veç 'Air Albania', dhe pikërisht këtu do të zhvillohet spektakli i të dielës.
Lexo gjithashtu
