Mund të quhet e përfunduar aventura e Geralb Smajlit dhe Esat Malës te Vllaznia. Mbrojtësi i djathtë pritet të jetë shkodrani i rradhës që largohet nga klubi, pas Esin Hakajt, teksa i skadon kontrata më 30 qershor. E njëjta edhe për mesfushorin dardan që mbyll aventurën 2-vjeçare në Shkodër. Bisedimet për rinovim nuk kanë gjetur gjuhën e përbashkët mes palëve duke i dhënë fund bashkëpunimit.
Mbetet vetëm zyrtarizimi i klubit për të konfirmuar gjithçka një herë e mirë teksa dyshja nuk ka qenë e pranishme as në stërvitjen e parë që u zhvillua pasditen e sotme duke konfirmuar largimin. Smajli dhe Mala do të jenë dy humbje të mëdha për kuqeblutë pasi këtë sezon janë ndër më të mirët në pozitat e tyre.
E ardhmja e 22-vjeçarit shkodran është ende e paqartë, pasi ofertat janë vërtetë të shumta. Klubet e Superiores nuk mungojnë në ‘dyert e tij’, por prioritet mbetet transferimi jashtë. Edhe Mala nga ana tjetër ka interes të lartë nga shumë klube, shto këtu edhe ato nga kampionati i Kosovës.
Lexo gjithashtu
