Teuta dhe Vllaznia u ndanë në një barazim pa gola duke marrë secila nga një pikë që momentalisht nuk duket shumë i favorshëm në klasifikim.
Shkodranët kanë pretendimet e tyre nga kjo sfidë ku dy episode për penallti nuk iu akorduan kuqebluve. Arbitri Laver Alla, së bashku me asistencën e VAR i gjykuan si ndërhyrje të pastra këto raste.
Në moviolën e studios Skaner, Bujar Pregja i ka dhënë të drejtë gjyqtarit Alla duke dhënë argumentet e tij.
Rasti i Gjinit: Është parë edhe me VAR. Është distancë shumë e afërt mes lojtarëve, as gjysmë metri dhe nuk ka qëllim, u mundua të ngrejë dorën për të mos prekur topin, u mundua ta shmangë. Nuk ka penallti, edhe distanca ishte shumë e afërt.
Rasti i Ajdareviç: Moment shumë i vështirë. Lojtari e ngren dhe e tërheq këmbët, duart e portierit janë vendosur në tokë dhe nuk kanë shkuar te këmbët e lojtarit. Lojtari tenton të fitojë kontakt, e ka ngritur dukshëm këmbën. Vendim i drejtë nga arbitri.
Lexo gjithashtu
