
Superiorja ditën e sotme do të vijë me dy ndeshje mjaft interesante që janë të vlefshme për javën e 30-të të kampionatit. Do të luhet në aksin Rrogozhinë – Korçë në të njëjtën orë.
Në “Egnatia Arena” do të vihen përballë njëra-tjetrës Erzeni dhe Egnatia. Shijakasit do të kërkojnë 3 pikët në stadiumin e rrogozhinasve, i cili këtë sezon është si “shtëpia” e tyre. 3 pikët që janë të vlefshme për mbijetesën, ndërkohë nga krahu tjetër ‘djemtë’ e Edlir Tetovës kanë shansin ideal për të “blinduar” kreun e renditjes pas barazimit të Partizanit dher Vllaznisë.
Ndërkohë në Korçë është skuadra e Skënderbeut që do të presë Tiranën. Një duel “kokë më kokë” për “Final-Four” mes dy ekipeve. Si korçaret ashtu edhe bardheblutë do të synojnnë vetëm 3 pikët pëe të tentuar vendin e 4-të në tabelën e klasifikimit, pozicion që mbahet aktualisht nga Dinamo.
Kujtojmë se Dinamo ka 43 pikë, ndërsa korçarët i ndjekin me 3 pikë më pak, ndërsa Tirana ndpdhet në vendin e 6-të me 39 pikë.