Egnatia prej ditësh vazhdon përgatitjet për duelin e kthimit me Borac Banja Luka. Rrogozhinasit janë mposhtur në sfidën e parë me shifrat 1-0 dhe në ndeshjen e kthimit synojnë përmbysjen për të siguruar kualifikimin.
Por pak ditë para kësaj përballje, një titullar i shton “dhimbjet e kokës” Edlir Tetovës. Sulmuesi Bakayoko nuk është stërvitur me ekipin. Kujtojmë se sulmuesi mori një dëmtim në ndeshjen e parë dhe tashmë stafi mjekësorë është në “luftë” me kohën për ta rikthyer lojtarin të jetë i gatshëm për ditën e mërkurë.
Stafi rrogozhinas me në krye Tetovën “kryqëzojnë gishtat” që futbollisti të mund të rikuperohet dhe të jetë i gatshëm, pasi është shumë i rëndësishëm për formacionin e Egnatias. Në të kundër mungesa e tij do të linte një “boshllëk” në repartin e avancuar.
Kujtojmë se dueli i kthimit me Borac Banja Luka do të luhet ditën e mërkurë. Kjo përballje do të startojë në orën 21:00 në "Elbasan Arena".
Lexo gjithashtu
