Tirana do të presë Vllazninë në “Air Albania” në orën 16:00 për të luajtur ndeshjen e javës së 35-të e të parafundit të Superiores. Nuk ka rrugë tjetër veç fitores për bardheblutë pasi humbja mund t’i nxjerrë zyrtarisht jashtë Final Four.
Shkodranët nga ana tjetër vijnë poashtu me objektivin për të dalë me 3 pikë pasi jo vetëm që kanë mundësi të kapin kreun, por mund të rrezikojnë të humbasin edhe vendin e dytë në rast të kundërt.
Klasikja e Shqipërisë është kryendeshja e këtij raundi dhe spektakli është i garantuar. Trajnerët kanë përzgjedhur formacionet zyrtare dhe vijnë me disa mungesa, sidomos Brdaric.
Formacionet zyrtare:
Tirana (4-3-3) - Selmani; Deliu, Hoxhallari, Mici, Përgjoni; Jonuzi, Meta, Lushkja; Haxhiu, Abazaj, Patrick. Trajner: Erbim Fagu
Vllaznia (4-2-3-1) - Qarri; Sala, Pusi, Juric, Yago; Alivoda, Boshnjaku; Çoba, Ajdarevic, Mala; Balaj. Trajner: Thomas Brdaric
Lexo gjithashtu
