Egnatia është ekipi kampion i Shqipërisë për herë të parë në histori. Rrogozhinasit triumfuan në finalen e madhe të “Final Four” ndaj Partizanit me rezultatin minimal 1-0. Sfida u vendos nga një gol i Ibrahimoglu në minutën e 35-të.
Në një atmosferë elektrizuese në “Air Albania” dhe një festë e madhe legjitime e klubit të vogël që po bën hapa kaq të mëdhenj. Titulli kampion është qershia mbi tortë i një sezoni të dominuar nga fillimi deri në fund.
Jo vetëm kaq, por Egnatia pak ditë më parë festoi dhe fitoren e Kupës së Shqipërisë ku mposhti në finale Kukësin po në këtë stadium. Dy trofe brenda një viti kalendarik, një sukses i jashtëzakonshëm në futbollin shqiptar.
Një sukses që duket surprizë prej një klubi ‘të vogël’, por nuk është kështu për drejtorin Klejdi Zenelaj. Numri 2 i klubit, me një postim në faqen e tij në Facebook ai shkruan se ky sukses ishte thjeshtë çështje kohe.
“Ishtë thjeshtë çështje kohe. Kampion i Shqipërisë, fitues të Kupës. Besoi procesit dhe qëndroi planit tënd”, shkruan Zenelaj.
Lexo gjithashtu
