Supersfida e javës së 31 të “Abissnet Superiore”, ajo mes Egnatias dhe Partizanit është mbyllur me fitoren e rrogozhinasve. Ndeshja e zhvilluar në stadiumin “Arena Egnatia”, përfundoi me triumfin 2-1 të vendasve.
Por kjo fitore e ka lënë me pasoja ekipin e drejtuar nga Edlir Tetova. Tekniku i Egnatias nuk do të ketë në dispozicion portierin Alen Sherri për ndeshjen e radhës përballë Laçit. Portieri shkodran do të mungojë në këtë transfert për shkak kartonësh të verdhë, ku në ndeshjen e sotme përballë “Demave” mori të 4-tin për këtë sezon.
Një mungesë e rëndësishme për Egnatian, megjithatë Ilir Dabjani është i gatshëm të marrë vendin e titullarit, me 23-vjeçarin që do të ketë një mision të vështirë të mbajë të paprekur portën përballë kurbinasve.
Lexo gjithashtu
