Partizani ia doli që të triumfonte në ndeshjen e parë gjysmëfinale të Kupës së Shqipërisë, përballë Egnatias në transfertë. Sfida e zhvilluar në stadiumin e Rrogozhinës, përfundoi 0-1 në favor të “Demave”.
Golin e vetëm të kësaj sfide e shënoi sulmuesi, Albers Keko. Ky i fundit ktheu në gol një penallti, të cilën e fitoi po vetë. Por pas ndeshjes, Xhuliano Skuka e ka “kryqëzuar” sulmuesin e Partizanit, duke komentuar në faqen zyrtare të klubit, në konotacionin e humorit dhe shakasë.
“Për numrin s’të thashë gjë, tani dhe festimin e more”, shkruan Skuka në koment.
Kujtojmë se Albers Keko mban numrin 9, të cilin dikur e mbante edhe Xhuliano Skuka. Ndërkohë festimi duke treguar stemën e Partizanit me gisht, e kemi parë edhe më herët duke u performuar nga Skuka.
Lexo gjithashtu
