Ditën e sotme nis faza e dytë e Superiores. 4 ekipe do të zbresin në fushë për të bërë mes tyre llogaritë për javën e 10-të të kampionatit.
Kështu në orën 14:00 do të luhen dy përballje mjaft interesante dhe të rëndësishme. Paralelisht do të luhert në Ballsh dhe në Rrogozhinë.
Në “Adush Muça” do të vihen përballë Bylisi dhe Teuta. Devil Dede do të kërkojë 3 pikët në shtëpi dhe synon të rikthejë ballshiotët te fitorja në kampionat, ndërsa nga krahu tjetër Edi Martini kërkon vazhdisinë e rezultateve pozitive me durrsakët.
Vëmendja më e madhe ditën e sotme do të jetë në Rrogozhinë, ku Egnatia prejt Dinamon. Një duel që premton të jetë i luftuar mes dy ekipeve që kanë kuotë të njëjtë pikësh në kampionat dhe synojnë vendin e parë në klasifikim. Të dyja ekipet vijnë pas barazimeve në javën e kaluar dhe në “Egnatia Arena” janë të dënuar vetëm për fitoren.
Lexo gjithashtu
