4 ekipet e Superiores ditën e sotme do të jenë gjithë sy e veshë nga Nyoni. Në Zvicër do të hidhet shorti për Europën dhe ku Egnatia, Partizani, Dinamo dhe Vllaznia do të mësojnë kundërshtarët e tyre në raundin e parë.
Kështu në orën 14:00 do të hidhet shorti për Champions League dhe Egnatia do të mësojë kundërshtarin me të cilin do të bëjë llogaritë për raundin e parë. Kampionët e Shqipërisë për shkak të koeficioentit bëjnë pjesë te vazoja e jo favoritëve, teksa rrezikojnë ekipe më të forta në letër.
Ndërkohë në orën 16:00 do të jetë radha e 3 ekipe të tjera të mësojnë kundërshtarët e tyre. Në këtë orë do të hidhet shorti për Conference League dhe Partizani, Dinamo e Vllaznia do të njihen me rivalët e tyre. Të kuqtë dhe shkodranët për shkak të koeficientit renditen në vazon e ekipeve favoritë në këtë turne, ndërkohë Dinamo ndodhet tek vazoja e jo favoritëve. Skuadrat shqiptare tashmë kryqëzojnë gishtat që goglat t’i përballin me ekipe të lehta në letër për të tentuar më pas edhe kalimin në turin e dytë.
Lexo gjithashtu
