Teuta do të presë në shtëpi Laçin për të luajtur ndeshjen e vlefshme për javën e 30-të të “Abissnet Superiore”. Sfida që do të zhvillohet të dielën në stadiumin “Niko Dovana”, do të startojë në orën 18:00.
Një sfidë majft interesante mes dy ekipeve që kanë shkruar edhe histori në vitet e fundit në Superiore. Por e shkuara është paksa e errët për durrsakët, me Teutën që i ‘trembet’ disi skuadrës së Laçit.
Në 52 ndeshje të mëparshme të zhvilluara mes njëra-tjetrës, Laçi ka fituar plot 23 të tilla, duke dominuar duelet mes tyre. Në krahun tjetër Teuta ka triumfuar 16 herë, ndërsa 13 ndeshje kanë përfunduar në barazim.
Fundja mbeten vetëm statistika të së shkuarës, por Laçi vjen më i karikuar se kurrë për 3 pikët, për të synuar shkëputjen nga zona e ftohtë. Ndërsa Teuta me psikologji pak më të qetë, do të tentojë 3 pikët për të shpresuar te “Final Four”.
Lexo gjithashtu
