Ndeshja Elbasani – Vllaznia, e fituar 3 – 1 prej verdhebluve, ka krijuar duel edhe jashtë fushës së blertë. Pak orë pas disfatës në “Elbasan Arena”, presidenti i Vllaznisë Alban Xhaferi, sfidoi hapur Elbasanin, se asgjë nuk ka mbaruar dhe nuk është nevoje për ndonjë festë të madhe, pavarësisht se ekipi i Gvozdenovic ka marrë përkohësisht kreun në Superiore.
Nuk ka qëndruar në “heshtje” as presidenti i Elbasanit Kujtim Llupa. “Futbolli është i bukur. Me adrenalinë dhe emocione. Me garë dhe tifozeri. E rëndësishme është të flasim në fushë, pasi jashtë saj të gjithë shpallemi kampion që në shtator.
Dhe fusha i jep të drejtën legjitime çdo tifozi e tifozeje të gëzojë për qyetetin e tij, por ne mbi të gjitha të gëzojmë për prezencën e tyre pranë ekipit.
Dhe ky është titull më vete i dëshmuar në çdo sfidë të fituar që diku djeg. Kryesojmë me meritë, por jemi me këmbë në tokë, që nga dita e parë e deri në aktin e fundit.
Nuk kemi arritur asgjë, thjesht kemi rritur vetëbesimin dhe frymën tek njerëzit tanë, te ekipi ynë, te forca jonë”, shkruan Llupa.
Lexo gjithashtu
