Pasi zyrtarizoi dy afrime, atë të mesfushorit Regi Lushkja dhe mbrojtësit azer Zamig Aliyev, tashmë Egnatia pritet të largojë lojtarë, duke parë që disa reparte janë mbipopulluar.
I pari që pritet të largohet është Arbenit Xhemajli. Qendërmbrojtësi 26-vjeçar mund të jetë i “sakrifikuari” nga klubi rrogozhinas, duke parë që tashmë në rolin e qendërmbrojtësit, Egnatia ka 4 lojtarë si Malota, Dulysse, Memolla apo Aliyeva. Për Xhemajlin ka oferta nga Zvicra dhe Turqia.
Lojtari tjetër që me shumë mundësi do t’i japë lamtumirën Rrogozhinës është sulmuesi, Jurguens Montenegro. Duke pritur që Bakayako të zyrtarizohet dhe me afrimin e një sulmuesi tjetër, Egnatia pritet të shesë sulmuesin nga Kosta Rika. Për 23-vjeçarin ka oferta nga Superliga greke, dhe prej tij Egnatia pret të fitojë rreth 600 mijë euro.
Kujtojmë që Montenegro u afrua te Egnatia në merkaton e janarit të këtij viti. Në 25 ndeshje me fanellën e rrogozhinasve, Montenegro ka shënuar 8 gola dhe ka asistuar në 2 të tjerë.
Lexo gjithashtu
