Mund të quhet e përfunduar aventura e Geralb Smajlit te Vllaznia. Mbrojtësi i djathtë pritet të jetë shkodrani i rradhës që largohet nga klubi, pas Esin Hakajt, teksa i skadon kontrata më 30 qershor. Bisedimet për rinovim nuk kanë gjetur gjuhën e përbashkët mes palëve duke i dhënë fund bashkëpunimit.
Mbetet vetëm zyrtarizimi i klubit për të konfirmuar gjithçka një herë e mirë. Smajli do të jetë një humbje e madhe për kuqeblutë pasi këtë sezon ishte një nga më të mirët e krahut të djathtë në Shqipëri.
Këtë sezon shënoi 1 gol, ndërsa ka dhuruar plot 8 asiste që flasin vetë në emër të tij. E ardhmja e 22-vjeçarit shkodran është ende e paqartë, pasi ofertat janë vërtetë të shumta. Klubet e Superiores nuk mungojnë në ‘dyert e tij’, por prioritet mbetet transferimi jashtë.
Lexo gjithashtu
