Hapësire reklamuese

Çështjet kryesore

SUPERIORE

“E kemi përgatitur si ndeshje derbi”, Murataj: Egnatia ekip shembullor, me tifozët do të festojmë në fund

Shkruar nga NEWSPORT
“E kemi përgatitur si ndeshje derbi”, Murataj: Egnatia ekip
Valentino Murataj

Valentino Murataj është i bindur se ekipi i tij do të festojë në fund. Kapiteni i Partizanit analizoi sfidën me Egnatian, ku theksoi se skuadra është përgatitur në maksimum për këtë finale.

Fitorja në finalen e Superkupës është një motivim më shumë për të fituar një tjetër trofe para syve të rrogozhinasve. Ndër të tjera Murataj kërkon që tifozët të jenë sa më të shumtë në numër për të mbështetur skuadrën dhe në fund për të festuar të gjithë së bashku titullin e dytë rresht.

“Pika e fortë dhe e dobët e Egnatias? Është një skuadër e fort e shembullore, por nga 4 përballjet në kampionat ne kemi humbur vetëm 1. Kemi fituar në finalen e Superkupës dhe kjo na motivon.

Arbitër të huaj? Përballjen unë e kam me ekipin e Egnatias. Më vjen mirë që do të kemi një arbitër të fortë dhe të njohur anglez. Një finale e gjitha për t’u shijuar.

Mendoni se Murataj do të vendosë titullin? Shpresoj që secili prej nesh të vendosë finalen. Për mua nuk ka rëndësi kush shënon, e rëndësishme është të fitojmë.

Atmosfera në skuadër? Atmosfera është shumë e mirë. Kemi një skuadër që kemi fituar 2 trofe bashkë. E kemi përgatitur këtë sfidë si një ndeshje derbi dhe shpresojmë të fitojmë në këtë finale.  Ne kemi fituar 2 trofe dhe kemi shkuar deri në “Play-Off” në Conference League. Kemi një motiv ekstra që të fitojmë titullin e dytë rresht.

Mesazh për tifozët? Tifozi është lojtari ynë i 12-të dhe kam besim që nesër nuk do të mungojnë. Iu bëj thirrje që të jenë të shumtë për të festuar titullin e dytë rresht. Shpresoj që do t’ia dalim me sukses”, ka përfunduar kapiteni i kryeqytetasve.

Kujtojmë se finalja mes Partizanit dhe Egnatias do të luhet ditën e nesërme në "Air Albania" duke nisur që nga ora 19:00.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga