Është mbyllur në barazim 1-1 sfida mes Laçit dhe Partizanit, me ekipet që ndajnë kështë nga 1 pikë. Një përballje mjaft e luftuar mes dy skuadrave.
Pas këtij dueli foli për RTSH trajneri i Partizanit, Aleksandar Veselinovic. Ky i fundit theksoi se fusha nuk i lejoi të bënin më shumë. Ndër të tjera foli edhe për sistemin e tij të lojës.
"Barazimi? Çdo ndeshje ka specifikat e veta dhe përgëzoj lojtarët për angazhimin. Në një fushë të tillë nuk mundëm të japim më shumë. Po ashtu uroj kundërshtarin për luftën dhe ua kisha dhënë edhe çunave se na prishte një ndeshje e vështirë.
Lojtari ka një paraqitje të mirë dhe pikët e ndeshjeve të para nuk e tregojnë këtë. Nuk është vetëm dëshira jonë, në çdo ndeshje shkojmë për 3 pikë. Nuk ia kemi arritur dhe tashmë do të analizojmë se çfarë nuk shkoi.
Pse u vonuan zëvendësimet? Normalisht ndeeshja ka specifikat e saj. Në ndeshjen e kaluar deri në minutën e 77-të ne bëmë 3 zëvendësime, ndërsa në këtë ndehsje bëmë 2. Me ato ndërrime në atë minutë donim të kishim më shumë freski. Na doli siç duhet, pasi na erdhi dhe goli. Kështu e kam parë unë dhe këto ishin specifikat e ndeshjes.
Sistem tjetër në kokë apo ky është i duhuri? E kam thënë që nuk ka shumë rëndësi sistemi se sa detyrat e lojtarëve në fushë. Ne gjatë ndeshjes kemi shfrytëzuar të 3 sistemet, në varësi të topit. Ne po flasim për momentin kur ne kemi pasur topin, por edhe kundërshtarin”, theksoi trajneri i Partizanit.
Lexo gjithashtu
