Egnatia do të përballet me Vllazninë për të luajtur gjysmëfinalen e dytë të “Final 4”. Sfida që do të zhvillohet në stadiumin “Air Albania”, të dielën e 19 majit, do të startojë në orën 20:00, ku do të vendoset kundërshtari i Partizanit në finalen e madhe. Në prag të kësaj sfide, mesfushori i rrogozhinasve, Albano Aleksi ka folur para mediave. Ky i fundit respekton dhe vlerëson shumë Vllazninë, por tregon që është shumë i motivuar për të dhënë gjithçka e për të shkuar në finale.
Sa besim keni që do të shkoni në finale?
Jam i motivuar dhe karikuar për të dhënë gjithcka bashkë me shokët e skuadrës. Nuk kam luajtur në 2 takimet e fundit dhe mezi pres që të jap kontributin tim për fanellën e Egnatias. Për Vllazninë kam respekt, por do bëj gjithçka që të shkojmë ne në finalen e madhe me 26 maj.
Si kanë ndikuar te ekipi fjalimet e trajnerit dhe presidentit gjatë seancave stërvitore?
Egnatia është një skuadër e ndërtuar për të fituar dhe natyrisht që kërkohet maksimumi. Ky ka qenë motivi që zgjodha të vij në këtë klub. Ne gëzojmë një harmoni të shkëlqyer dhe prej kohës që kam mbërritur këtu jam ndier një nga pjesëtarët e një familje të madhe. Shoh shokët e ekipit që gëzojnë fotmë të mirë fizike dhe jemi të bindur se do të vijojmë me rezultatet pozitive. Nuk ka eufori në ekip, jemi të qetë dhe do mundohemi të bëjmë atë që kemi treguar përgjatë sezonit.
Do doje të kishe tjetër rival në gjysmëfinale?
Për ne nuk ka rëndësi se kush është përpara, pasi për të fituar duhen mundur të gjithë. Me Vllazninë jemi ndeshur shpesh do të luftojmë sërish kundër shkodranëve, me motivin për të dhuruar një tjetër paraqitje pozitive. Shpresoj shumë që të kemi përkrahjen e tifozëve sepse me ta jemi më të fortë. Me Kukësin në finalen e Kupës e treguar më së miri këtë gjë.
Lexo gjithashtu
