Superiore është në pauzë për shkak të ndeshjeve të Kombëtares. Në këtë mënyrë ekipet e Superioes do të kenë më shumë kohë në dispozicion për të përgatitur ndeshjen e radhës.
Por jo vetëm kaq, pasi për Elbasanin kjo ndalesë ka ardhur në momentin e duhur. janë plot 5 lojtarë te verdheblutë që kanë probleme fizike. Më problematikë shihet situata me Emir Azemovic, i cili është dëmtuar dhe mësohet se bëhet fjalë për këputje të ligamentit.
Ky dëmtim do të marrë kohë për t;u rikuperuar, ndërsa debutimin me ekipin ende nuk është bërë. Ndërkohë nga krahu tjetër edhe Telushi dhe Hakaj vazhdojnë të jenë të dëmtuar, por gjasat janë që bashkë me Grecën dhe Ze Gomesh të rikthehen për duelin me Laçin që do të luhet javën tjetër. Stafi i Elbasanit kryqëzon tashmë gishtat për rikuperimin në kohë të lojtarëve dhe mbetet të shihet se cilët prej tyre do të mund t’ia dalin në kohë.
Lexo gjithashtu
