Merkatoja e verës mbyllet për 15 ditë, teksa këto do të jenë ditë vendimtare për skuadrat për të bërë dhe afrimet e fundit. Kështu Dinamo është e gjitha “all-in” deri në ditën e fundit të kësaj merkatoje për të gjetur një mbrojtës.
Dritan Mehmeti kërkon një qendërmbrojtës, pasi në këtë pozicion ka vetëm Rustem Hoxhën dhe Mateo Muzek. Në raste emergjence mund të përshtatet edhe Bruno Dita, por kampionati është i gjatë dhe Mehmeti kërkon të jetë i përgatitur.
Kështu afrimi i një tjetër qendërmbrojtësi do t’ia lehtësonte shumë punën dinamovitëve, pasi do të shtonte një alternativë të vlefshme në këtë repart. Për momenti drejtuesit kanë në listën e tyre disa aleternativa, por emrat e tyre ende nuk janë bërë të ditur. Mbetet të presim deri në fundit e merkatos për të mësuar se kush do të veshë fanellën e “Bluve” për sezonin e ri.
Lexo gjithashtu
