Flamurtari dhe Barcelona janë përballur për herë të parë pas 38 viteve. Legjendat e të dy ekipeve të atyre viteve janë bërë së bashku në stadiumin “Flamurtari” të Vlorës për të luajtur një ndeshje të bukur dhe plot emocione.
Ishte shtator i vitit 1986 kur Flamurtari barazonte 1-1 me Barcelonën. Golin për vlonjatët e shënonte Vasil Ruçi, ndërsa për Barcelonën rrugën e rrjetës e gjeti Estaban. Ndërsa në ndeshjen e sotme miqësore, ishin katalanasit që dominuan sfidën me fitoren 1-5.
Pjesa e parë përfundoi me rezultatin e thellë 0-4 në favor të spanjollëve. Me nisjen e pjesës së dytë, vlonjatët ishin më kërkues por pa mundur të shënojnë. Teksa ishin përsëri katalanasit që gjetën golin e 5-të për të likuiduar gjithçka. Ndërsa golin e vetëm për Flamurtarin e shënoi Nenaj nga pika e bardhë e penalltisë.
Lexo gjithashtu
