Federata e Futbollit dhe ekipi i veteranëve të Flamurtarit organizuan në Vlorë turneun e kupës “Lefter Millo” për të nderuar futbollistin shqiptar i cili u nda nga jeta në moshën 31 vjeçare pas një aksidenti në Greqi.
Pjesë e këtij aktiviteti ishin emra të mëdhenj të futbollit shqiptar si Vasil Ruci, Perlat Musta, Ledio Pano, Sulejman Demollari, Ilir Lame dhe shumë të tjetër, ndërsa mori pjesë dhe një ekip përfaqësues nga Larisa ku Millo ka kaluar disa vite të karrierës së tij.
Para nisjes së turneut u organizua dhe një ceremoni e veçantë ku vëllait të Lefter Millos iu dorëzua një kupë simbolike dhe fanella e Kombëtares kuqezi me numrin 11 – Lefter Millo forever (përgjithmonë).
Ne karrierën e tij Lefter Millo luajti për Luftëtarin, Partizanin, ekipin Larisa në Greqi dhe Kombëtaren shqiptare. Ai spikati në Greqi për aftësitë e tij të jashtëzakonshme, duke patur parasysh që Larisa është një ekip cilësor dhe që ka shkruajtur historinë në shtetin fqinj. Larisa është një nga të paktat ekipe jashtë Athinës që ka fituar trofe.
Lexo gjithashtu
