Italia është vënë në lëvizje për shkak të variantit Delta të COVID-19 që po shqetëson gjithë botën. Presidenti i Federatës së Futbollit të Italisë, Gabriele Gravina po harton një plan masash në mënyrë që sezoni i ri futbollistik të nisë sipas parashikimeve.
Ai ka bërë me dije që të gjithë lojtarët do t'i nënshtrohen vaksinimit të detyrueshëm për të zbritur në fushë. Shumë futbollistë e kanë refuzuar vaksinën anti-COVID, megjithatë sipas Gravinës vaksinimi do të bëhet i detyrueshëm.
"Propozova pasaportë vaksinimi të detyrueshme për të gjithë futbollistët dhe punonjësit e klubeve, si në nivel profesionist, ashtu edhe atë amator, pasi ndonëse futbolli ka protokollin e vet, mbetet brenda kuadrit ligjor të shtetit. Në këtë mënyrë do të bëheshim promotorë shumë të mirë edhe të fushatës së vaksinimit, përveçse do të mbronim shëndetin e punonjësve tanë", u shpreh ai.
Lexo gjithashtu
