Një valë e vërtetë shembjesh po përfshin stadiumet legjendare anembanë Europës por edhe Botës. Pas shembjes së "Qemal Stafës" në Tiranë, për t'i lënë vend "Arenës Kombëtare", dhe shpalljes së projektit për shembjen e stadiumit të River Plate në Argjentinë, një situatë e ngjashme po përsëritet në Rumani me shtëpinë e vjetër të Steaua Bukureshtit.
Stadiumi "Ghencea" në kryeqytetin e Rumanisë ka nisur të rrafshohet ditën e djeshme, për t'i lënë vend ndërtimit të një impianti modern prej 30 mijë vendesh që pritet të kushtojë rreth 65 milionë euro. "Ghencea" konsiderohet si një stadium mitik në Rumani, ndërkohë që për tifozët e Steauas konsiderohet si një tempull. Aty janë zhvilluar disa ndeshje historike në Champions League por edhe për Kombëtaren rumune.
Ndeshja e fundit e Steauas në këtë stadium është zhvilluar tre vjet më parë, pasi ekipi ka luajtur që atëhere në stadiumin e ri "Arena Kombëtare" të Bukureshtit së bashku me rivalët historikë të Dinamos.
[gallery columns="1" size="full" ids="272661"]
Lexo gjithashtu
