Për afro një muaji vazhdojnë tratativat mes klubit turk Balikerispor dhe Valdet Ramës. Ish-lojtari i kombëtares kuqezi dhe që është aktivizuar me Munich 1860, duket se nuk do të jetë pjesë e turqve për sezonin e ri.
Shkak për këtë është bërë vet Rama, i cili nuk u ka kthyer përgjigje turqve për kontratën. Për këtë arsye Balikerispor ka vendosur që të mbyllë derën për këtë transferim të mundshëm. Për transferimin e shqiptarit ka folur edhe presidenti i klubit turk, Feyyaz, i cili është shprehur se Rama donte ende kohë për të marrë vendimin.
"Rama kërkoi vazhdimisht kohë shtesë. Në takimin tonë të fundit ai kërkoi që të takoheshim edhe njëherë në gusht, por deri atëherë ne duhet të kemi mbyllur transferimet sepse do të nisë kampionati".
Poll
Lexo gjithashtu
