Uruguai katastrofë, Suarez tërbohet në stol

Uruguai eliminohet pas dy ndeshjeve të para në grup nga Kupa e Amerikës, pasi ka regjistruar dy humbje dhe ka bërë një paraqitje katastrofike. Në ndeshjen me Venezuelën, ku pritej reagimi pas humbjes së parë me Meksikën, ka vendosur një gol i Rondon në pjesën e parë. Kavani ka humbur shumë raste, ndërsa Suarez, sulmuesi i Barcelonës, ka vuajtur në stol gjatë gjithë kohës. Edhe pse publiku e ka kërkuar në kor të luajë, stafi teknik nuk e ka aktivizuar dhe Suarez ka goditur me grusht pankinën e tij nga nervozizmi. Dy humbje për Uruguain, kurse Meksika mposht edhe Xhamajkën dhe kualifikohet.