Viron Bezhani u shkarkuar pak ditë më parë nga roli I presidentit të KOKSH. Shkarkimi I tij u bë pas mbledhjes së jashtëzakonshme dhe drejtuesit e federatave të ndryshme sportive në Shqipëri vendosën për largimin e tij. I ftuar në emisionin “Fair Play” nga gazetarja Enkeleida Zeko, Bezhani u shpreh se shkarkimi I tij ishte një turp.
“Fidel Ylli u ka thënë drejtuesve të federatave që do ta shtrojmë me flori. Duhet zbatuar etapat, pasi në Asamblenë që u zhvillua për të më shkarkuar mua si president, u shkel ligji. Praktika po tregon se është e turpshme, aty nuk ishte as sekretari, as presidenti. Po kush do ta firmosë atë që u votua aty. Ne të dy që kishim të drejtën e firmës, nuk ishim aty.
E vetmja shkelje që kam bërë unë, është që nuk i lashë të vjedhin, nuk i lashë të abuzojnë. Këta njerëz kanë kërkuar të marrin lekë nga Komiteti Olimpik”.
Loading ...
