Manchester United u mposht 2-0 nga Newcastle në sfidën e javës së 29-të të Premier League. “Djajtë” rrezikojnë pas kësaj disfate edhe zonën Champions, pasi Tottenham ndodhet 1 pikë më pak.
Por këtë humbje nuk e bën dramë trajneri Erik ten Hag, i cili do të theksonte se janë akoma ndeshje në lojë dhe ka besim te skuadra se do të ringihet pas këtij momenti të vështirë që po kalojnë në kampionat.
“E urrej ta pohoj, por ata ishin më mirë se ne sot. Lojtarët e Neëcastle kishin vendosmëri, pasion dhe dëshirë për të fituar. Ata e kërkuan fitoren më shumë se ne, prandaj ia dolën.
Kishim rastet tona, por duhet të kishim shkuar në portën kundërshtare me të njëjtën vendosmëri që kishte Neëcastle. Nuk na shkoi mirë sot, iu lejuam shumë hapësira. Loja jonë ofensivë nuk ishte aspak e mirë.
Duhet të kemi më shumë uri, duhet të japim gjithçka në çdo ndeshje. Duhet të marrim leksionin e duhur nga kjo përballje.
Unë vazhdoj të besoj te skuadra ime, kam besim maksimal te djemtë. Sigurisht që besoj se do të ringrihemi”, ka theksuar timonieri holandez.
Lexo gjithashtu
