Është zbardhur vjedhja e një “Ferrari” që i përkiste ish-pilotit të Formula 1, Gerhard Berger, pas 29 vitesh. Ferrari (F512M Testarossa) u grabit gjatë vitit 1995, ndërsa turmat u dyndën drejt garës së madhe italiane.
Makina luksoze u grabit nga hoteli ku shoferi Berger po qëndronte në Imola. Madje thuhet se shoferi austriak kishte tentuar të ndalonte hajdutët, teksa e ndoqi me makinën Volkswagen Golf të mikut të tij, por pa rezultat.
Makina duket se ka bërë xhiron e globit, pasi nga Japonia është shitur në Londër, ndërsa më pas ka kaluar në duart e një amerikani.
Në janar, Policia Metropolitane mori një raport nga Ferrari, ku thuhej se nga kontrollet ka rezultuar se një makinë e blerë nga një amerikan gjatë 2023, është një automjet i vjedhur. Pas disa hetimeve, makina i është dorëzuar kompanisë.
F512M është verisoni më i fuqishëm i Testarossa, me një shpejtësi maksimale prej 315 km/h . Mjeti shkon nga 0 në 160 kilometra (100 mph) në rreth 11 sekonda. Ferrari ka prodhuar vetëm 500 të tilla.
Lexo gjithashtu
