Duket se problemet për rusët nuk kanë të sosur. Pas paralajmërimit nga UEFA që mund të përjashtohen nga europiani, nëse do të ketë përsëri akte dhune ndërmjet tyre, vjen një lajm tjetër i keq për gjithë sportdashësit rusë.
“Atletët rusë nuk do të marrin pjesë në Lojërat Olimpike në Rio de Janeiro. Ata janë përjashtuar pas akuzave për doping“, ka bërë të ditur Federata Ndërkombëtare e Atletikës.
Në nëntor, Rusia u pezullua nga të gjitha aktivitetet që kishte planifikuar. Kurse, dënimi përfshin edhe pjesëmarrjen e saj për Olimpiadën në Rio.
