TRONDITET bota e futbollit, 27-vjeçari gjendet i vdekur, i treti në 6 muajt e fundit

Një tjetër vetëvrasje trondit futbollin uruguajan.

Një javë pas asaj të 38-vjeçarit, Williams Martinez, ndodh një tjetër akt i tmerrshëm.

Mbrojtësi i qendrës, 27-vjeçari, Emiliano Cabrera i ka dhënë fund jetës së tij, duke e dërguar në 3 numrin e futbollistëve që vetëvriten në harkun e gjashtë muajve.

Cabrera nuk është një emër i njohur për opinionin sportiv, pasi është aktivizuar në nivelet inferiore të futbollit në Uruguaj e Spanjë.

Nga hetimet e para, rezulton se ai nuk kishte pasur ndonjë konflikt dhe gjesti ekstrem ka ndodhur në rrethana të panjohura.