Antonio Conte ka marrë një lajm aspak të mirë sa i takon portierit kryesorë të skuadrës. Hugo Lloris ka dëmtuar ligamentin e gjurit dhe për këtë arsye do të mungojë për një kohë të gjatë.
Ekzaminimet mjekësore kanë treguar se gardiani i “Spursave” nuk ka nevojë të operohet, por që të rikuperohet do t’i duhet deri në 8 javë. Ç’ka do të thotë se do të humbasë ndeshje të rëndësishme me Tottenham.
Në skenarin më të keq, portieri francez do të humbasë gjithsej 12 ndeshje, duke përfshirë dy që i referohen fazës së 16-tës së Ligës së Kampionëve me Milanin, Sheffield United për Kupën FA dhe Chelsean, mes të tjerëve në Premier League.
