Partizani do të luajë kundër Erzenit, ndeshje e vlefshme për Challenge Cup. Trajneri Ylli Tomori ka folur për këtë sfidë të rëndësishme të ekipit të tij, teksa është shprehur optimist për lojtarët që ka në dispozicion.
Ardhja e maqedonasit Andonov dhe forma që po kalojnë volejbollistët e tjerë, kanë krijuar një atmosferë pozitive në kampin e kuq. Para këtij dueli, Ylli Tomori ka analizuar situatën në ekipin në një intervistë të dhënë për RTSH Sport.
- Si vjen Partizani në këtë derb të parë historik në Challenge Cup?
Normalisht ne jemi përgatitur, sepse të them të drejtën ne duhet të jemi serioz, pasi pjesëmarrja në Kupat e Evropës është një nder për ne. Është që vjen pas shumë vitesh, Partizani nuk ka qenë në këto Kupa, ose më saktë ka qenë inekzistent fare. Dhe natyrisht mendoj që përgatitjet tona kanë qenë të mira. Kjo me aq mundësi sa kemi pasur, grupin e kemi pasur të gjithin në dispozicion. Mendoj që jemi përgatitur mirë dhe mendoj që do të japim një volejboll të mirë.
- Deri në këtë periudhë një fitore ju dhe një fitore Erzeni. Atëherë një derbi i barabartë?
Po normalisht nëse do të marrim kontigjentin e kampionatit shqiptar deri tani tre janë skuadrat që pretendojnë Tirana, Erzeni dhe Partizani. Dhe në aspektin e asaj që i kemi mundur një herë dhe na kanë mundur një herë nuk ka të bëjë fare me problemin e Kupës. Ashtu sikurse nuk ka të bëjë me këtë që në ndeshjen e nesërme nuk përfundon gjithçka. Që do të thotë se mbetet akoma e hapur, sepse me sistemin që ka Challenge Cup patjetër duhet të marrësh tre pikë ose një pikë që të jesh i kualifikuar.
- Nesër çfarë Partizani do të presim?
Një Partizan rival për të përballuar një derbi që është i kohës, aktualisht është i kohës dhe mendoj që do të shikoni një Partizan të bukur.
Lexo gjithashtu
