Roma dhe Feyenoord do të përballen sërish me njëra-tjetrën, këtë herë jo më në finalen e Conference League, por në çerekfinalen e Europa League. Takimi mes tyre do të luhet ditën e enjte duke nisur që nga ora 18:45.
Në konferencën për shtyp trajneri i skuadrës holandeze, Arne Slot ka theksuar se akoma nuk e ka harruar ende finalen e humbur 0-1 në Tiranë dhe në Roterdam do të synojnë hakmarrjen.
“Sigurisht që kur të nisë ndeshja do të përjetoj ndjesi hakmarrjeje. Le të themi se e mbaj mend shumë mirë atë mbrëmje të pakëndshme në Tiranë. E njëjta gjë vlen edhe për djemtë që ishin atje vitin e kaluar.
Gjithsesi bëhet fjalë për një çerekfinale të Europa League, kështu që nuk është e nevojshme të kemi një motivim shtesë”, deklaroi Slot.
Poll
Lexo gjithashtu
