Adolfo Sormani ka dhënë një intervistë për mediet italiane duke folur për eksperiencat e tij si trajner. Italiani është ndalur dhe në kohën kur drejtonte Partizanin, teksa tashmë është shprehur se është gati për të drejtuar në nivele të larta.
Ishte viti 2021, kur ai la të kuqtë bashkë me stafin e tij duke u larguar drejt Italisë për të firmosur në Seria D, me Lavele. Në fjalën e tij për gazetarët, Sormani ka thënë:
“Do të jem i sinqertë, ishte një zgjedhje e gabuar. Kur ishte pandemia, unë dhe stafi im vendosëm të hiqnim dorë nga akordi trevjeçar që kishim firmosur me Partizanin për t’u kthyer në Itali dhe pranuam atë propozim, të bindur se mund të bëhej diçka e rëndësishme. Nuk mendoj se duhet specifikuar që nuk shkoi kështu…
Pa mburrje, pas eksperiencave që kam bërë, do të ndjehesha gati për të drejtuar në çdo nivel në Itali. Por jam i ndërgjegjshëm që për të rihyrë në panoramën e futbollit italian, duhet gjetur zgjidhja e duhur për të shprehur idetë. Kjo është ajo që ka në të vërtetë rëndësi”, ka deklaruar ai.
Lexo gjithashtu
