Ndeshja e Portugalisë me Liechtenstein ishtee 197-ta për Ronaldon me kombëtaren luzitane. Ky është një rekord i ri në ndeshjet e përfaqësesve pasi askush më parë nuk e ka arritur këtë shifër. Ronaldo bëri debutimin me Portugalinë në 2003 dhe u bë i pari lojtar që shënonte në 5 Kupa Bote.
38-vjeçari u aktivizua në këtë takim i cili ishte i vlefshëm për eleminatoret e Euro 2024. Portugalia e fitoi ndeshjen me rezultatin 4-0 dhe ylli luzitan shënoi dy gola. Ronaldo do tentojë të kualifikohet me ekipin e tij për europianin gjerman dhe pse jo të triumfojë sërish në kompeticionin më të rëndësishëm në kontinent.
