Tjetër largim nga Kombëtarja e Gjermanisë

Lukas Podolski nuk do të jetë më pjesë e Kombëtares së Gjermanisë. Sulmuesi ka njoftuar se ky është momenti që ai të tërhiqet. “Koha ime ka mbaruar. Asgjë nuk mund të zëvendësojë gëzimin, pasionin dhe solidaritetin që përjetova me Kombëtaren. Erdha në Gjermani në moshën dy-vjeçare dhe tani jam kampion Bote. Kjo është më shumë se gjithçka që kam ëndërruar në jetë”, deklaroi Lukas Podolski. Pas Shvjanshtaigerit, “Poldi” është “firoja” e radhës për kampionët e Botës.

Sulmuesi gjerman debutoi me “panzerat” në 2004, kur në stolin e skuadrës ishte Rudi Fëler. “Poldi” është aktivizuar në 129 ndeshje me Gjermaninë dhe shënoi 48 gola.

Bastian Shvjanshtaiger dhe Lukas Podolski me trofeun e Kupës së Botës