Ditën e sotme do të zhvillohet dhe përballja parë zyrtare mes gjigandëve të Premier League. Liverpool dhe Manchester City do të përballen zyrtarisht për finalen e Community Shield në orën 18:00. Trajnerët shprehen të gatshëm për sfidën e sotme dhe mungesat që kanë për këtë përballje.
Shënimi i golave në Premier League sezonin e kaluar nuk ishte një problem i madh për City-n dhe Liverpoolin pasi shënuan respektivisht 99 dhe 94 gola.
Të dyja palët kanë shpenzuar shumë në vijën e tyre të sulmit. Të kesh një sulmues cilësor dhe të jashtëzakonshëm ka qenë prej kohësh një pikë diskutimi për Cityn dhe ata i dhanë fund këtij diskutimi duke nënshkruar me Erling Haaland nga Borussia Dortmund në një marrëveshje me vlerë 51 milionë funte. Ndërkoh që Liverpool afroi Darwin Nunez me shumë bujë nga Benfika për shifrën e 100 milionë eurove.
Norvegjezi është vetëm 22 vjeç, por ka qenë i suksesshëm për klubin dhe vendin për disa kohë. Haaland ka 20 gola në 21 ndeshje për Norvegjinë dhe u largua nga Dortmundi duke shënuar 86 gola në 89 ndeshje.
Pep Guardiola ka konfirmuar se mbrojtësi Aymeric Laporte do të mungojë në finalen e Community Shield kundër Liverpoolit. Një goditje për mbrojtjen e City, spanjolli është vendosur deri në një muaj jashtë fushës pas operacionit në gju.
Jurgen Kloop është shprehur: “Loja e së shtunës do të tregojë shumë për sezonin. Pres dy skuadra të mira. Situata është se do të jetë një lojë shumë e rëndësishme. Ne ende duhet të përgatisim një sezon, kështu që nuk mund ta injorojmë këtë. Nuk jam i sigurt se si është moti në Angli, por mund të jetë gjithashtu i nxehtë, në mënyrë që të gjitha të bashkohen e ta shijojnë. Sepse nga mesi i gushtit e në vazhdim, mendoj se ne luajmë përsëri çdo tre ditë, kështu që nuk ka më kohë për stërvitje. Pra, ne përpiqemi të bëjmë gjërat e duhura, por sigurisht atëherë orari është gjithmonë një sfidë për t'u përballur.
Lexo gjithashtu
